ឧបនាយករដ្ឋមន្រ្តី ស សុខា ប្រកាសផ្អាកការងារលោក លឹម វាសនា ប្រធានពន្ធនាគារខេត្តស្ទឹងត្រែងជាបណ្ដោះអាសន្ន
រាជធានីភ្នំពេញ៖ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នាថ្ងៃទី២៤ ខែកក្កដា បានសម្រេចផ្អាកការងារលោកឧត្តមអគ្គានុរក្សថ្នាក់លេខ២ លឹម វាសនា ពីប្រធានពន្ធនាគារខេត្តស្ទឹងត្រែងជាបណ្ដោះអាសន្ន បន្ទាប់ពីទើបចូលកាន់តំណែងបានជាង ២ខែ។
បើតាមសេចក្ដីប្រកាសដដែល ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានសម្រេចប្រគល់ភារកិច្ចជូនលោកឧត្តមអគ្គានុរក្សថ្នាក់លេខ៣ សាត់ ភី អនុប្រធានពន្ធនាគារខេត្តស្ទឹងត្រែង ជាប្រធានស្ដីទីខេត្តស្ទឹងត្រែង៕
